ರಘು ದೀಕ್ಷಿತ್ ಮ್ಯಾಜಿಕಲ್ ಮ್ಯೂಸಿಕ್ ಟ್ರೆಂಡ್ ಸೆಟ್ ಮಾಡುತ್ತಿದೆ. ಈಗಾಗ್ಲೇ ರಿಲೀಸ್ ಆಗಿರೋ ಹಾಡುಗಳಿಂದ್ಲೇ ಸೆನ್ಸೇಷನ್ ಕ್ರಿಯೇಟ್ ಮಾಡುತ್ತಿದ್ದಾರೆ. ಅಷ್ಟಕ್ಕೂ ಇವು ನಿನ್ನ ಸನಿಹಕೆ ಸಿನಿಮಾದ ಹಾಡುಗಳು. ನಿನ್ನ ಸನಿಹಕೆ ಸಿನಿಮಾ ಹಾಡುಗಳಿಂದ್ಲೇ ಸಿಕ್ಕಾಪಟ್ಟೆ ಸೌಂಡು ಮಾಡ್ತಿದೆ. ಎರಡು ರೊಮ್ಯಾಂಟಿಕ್ ವೀಡಿಯೋ ಹಾಡುಗಳಿಂದ್ಲೇ ನಿರೀಕ್ಷೆ ಹುಟ್ಟಾಕಿದೆ.
‘ದಿ ಸೌಂಡ್ ಆಫ್ ಕೆಯಾಸ್’ ರಘು ದೀಕ್ಷಿತ್ ಕಂಪೋಸ್ ಮಾಡಿರೋ ಹೊಸ ಸಾಂಗ್. ಹೀರೋ ಲವ್ ಫೇಲ್ ಆಗಿ ಹಾಡಿದ ಈ ಹಾಡಿಗೆ ಸಾಹಿತ್ಯವನ್ನ ವಾಸುಕಿ ವೈಭವ್ ಬರೆದಿದ್ದಾರೆ. ಯಾರು ಯಾರು.. ನಾನ್ ಯಾರು ಈ ನಶೆಯೂ ಹೇಳಿದೆ ಪತ್ತೆಯಾ.. ಅನ್ನೋ ಕ್ಯಾಚಿ ಸಾಹಿತ್ಯ ಕೇಳೋದಕ್ಕೆ ಸಖತ್ ಮಜವಾಗಿದೆ.. ಈ ಹಾಡು ವಿರಹದ ಮನಸುಗಳಿಗೆ ನೇರವಾಗಿ ನಾಟುವಂತಿದೆ. ಮ್ಯೂಸಿಕಲಿ ಸಖತ್ ಸ್ಪೆಷಲ್ ಎನಿಸಿರೋ ನಿನ್ನ ಸನಿಹಕೆ ಸಿನಿಮಾದ ಈ ಹಾಡು ಚಿತ್ರದ ಮೇಲಿನ ಭರವಸೆಯನ್ನ ದುಪ್ಪಟ್ಟು ಮಾಡಿದೆ.
ಈಗಾಗ್ಲೇ ವಿಡಿಯೋ ಹಾಡುಗಳು ದೊಡ್ಡ ಮಟ್ಟದ ನಿರೀಕ್ಷೆಯನ್ನ ಹುಟ್ಟಾಕಿದೆ. ನಿನ್ನ ಸನಿಹಕೆ ಟೀಮ್ ವರ್ಕ್ ನೋಡಿದ್ರೆ, ಇದು ಮಾಮೂಲಿ ಸಿನಿಮಾ ಅಲ್ಲ. ಎಲ್ಲಕ್ಕಿಂತ ಹೆಚ್ಚಾಗಿ, ಡಾ. ರಾಜ್ಕುಮಾರ್ ಮೊಮ್ಮಗಳು ಧನ್ಯ ರಾಮ್ಕುಮಾರ್ ನಟಿಸಿರೋ ಮೊದಲ ಸಿನಿಮಾವಿದು. ಹೀಗಾಗಿ ನಿನ್ನ ಸನಿಹಕೆ ಮತ್ತಷ್ಟು ಕುತೂಹಲ ಹುಟ್ಟಿಸಿದೆ.
ಸೂರಜ್ ಗೌಡ ನಟಿಸಿ ನಿರ್ದೇಶಿಸಿರೋ ಈ ಚಿತ್ರದಲ್ಲಿ ಧನ್ಯರಾಮ್ ಕುಮಾರ್ ಚೊಚ್ಚಲ ಬಾರಿಗೆ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ವೈಟ್ ಅಂಡ್ ಗ್ರೇ ಪಿಕ್ಚರ್ಸ್ನ ಅಕ್ಷಯ್ ರಾಜಶೇಖರ್, ರಂಗನಾಥ್ ಕುಡ್ಲಿ ನಿರ್ಮಿಸಿದ್ದಾರೆ. ಸದ್ಯ ಈ ಲಿರಿಕಲ್ ವಿಡಿಯೋದಿಂದ ಸುದ್ದಿ ಮಾಡ್ತಿರೋ ನಿನ್ನ ಸನಿಹಕೆ ತಂಡ ಇಷ್ಟರಲ್ಲೇ ಟ್ರೈಲರ್ ರಿಲೀಸ್ ಮಾಡೋ ಪ್ಲ್ಯಾನ್ನಲ್ಲಿದೆ.
ಬ್ಯಾಕ್ ಟು ಬ್ಯಾಕ್ ಬಹುಭಾಷೆಯಲ್ಲಿ ಕನ್ನಡ ಸಿನಿಮಾಗಳು ಬರ್ತಿರೋ ಹೊತ್ತಲ್ಲಿ, ‘ಕನ್ನಡದಲ್ಲಿ ಮಾತ್ರ’ ಬಿಡುಗಡೆ ಅನ್ನೋ ಟ್ಯಾಗ್ ಲೈನ್ ನೊಂದಿಗೆ ನಿನ್ನ ಸನಿಹಕೆ ಸಿನಿಮಾ ತಂಡ ಏಪ್ರಿಲ್ 16ಕ್ಕೆ ರಿಲೀಸ್ ಮಾಡೋಕೆ ಮುಂದಾಗಿದೆ. ವಿಶ್ವದಾದ್ಯಂತ ಕೆ.ಆರ್.ಜಿ ಸ್ಟುಡಿಯೋ ಈ ಚಿತ್ರವನ್ನ ವಿತರಣೆ ಮಾಡಲು ಮುಂದಾಗಿದೆ.
